Прокопий Прокопьевич Ядрихинскай-Бэдьээлэ (28.03.1901-04.02.1979 сс.)
🌿🌿🌿🌿🌿🌿🌿🌿🌿
Күндү биир дойдулаахтарбыт! Олоҥхо декадатын чэрчитинэн Саха АССР культуратын үтүөлээх үлэһитэ, СССР суруйааччыларын союһун чилиэнэ, норуот ырыаһыта, тойуксут уонна олоҥхоһут Прокопий Прокопьевич Ядрихинскай-Бэдьээлэ туһунан быыстапканы көрөргүтүгэр, кини тыыннаах куолаһынан оһуохайдыырын истэргитигэр уонна кини тыыннаах мөссүөнүн көрөргүтүгэр ыҥырабыт.
Бэйэтин кэмигэр бастыҥ чулуу үлэһит, инники күөҥҥэ сылдьар стахановец этэ, төрөөбүт-үөскээбит Көбөкөнүн нэһилиэгэр колхуос төрүттэнэригэр төһүү күүс буолбута. Колхуос, сопхуоз үлэтин бэтэрээнэ. Норуот тылын уус-уран айымньыта үйэтийэригэр кылаатын киллэрбит Нам улууһуттан Бэдьээлэ аата фольклор аэйгэтигэр дьоһун миэстэни ылар. Кини тута хоһуйааччы быһыытынан ыллаан-туойан хаалларбыт “Тараҕана сайылык” айымньыта саха литературатын эйгэтигэр бигэтик киирэн хас да көлүөнэ саха ычатын өйүгэр хатаммыта, уус-уран тыл дэгэттээх умсулҕаныгар уһуйбута. Маны сэргэ, “ходуһа уһуктуута” (1964 с.), “Олоххо айхал” (1971 с.) уо.д.а тойуктара бэчээккэ тахсыбыттара.
Бэдьээлэ олоҥхоһут быһыытынан “Дьырыбына Дьырылыатта-Кыыс бухатыыр” уонна “Күн Дьөһүөлдьүн” айымньыларын суруттаран хаалларбыта радио фондатыгар харалла сытар. Кини тыыннаах куолаһыттан суруллубут олоҥхотун фольклорист Петр Никифорович Дмитриев анаан устан, кэлин “Дьырыбына Дьырылыатта-Кыыс бухатыыр” (1981 с.) бэчээккэ бэлэмнээн таһааттарбыта. Кэлин бу олоҥхо сахалыы-нууччалыы тылынан филологическай наука кандидата Тамара Ивановна Петрова салалтатынан М.К.Аммосов ат.ХИФУ тылбаас салаатын устудьуоннара кыттыгастаах академическай таһымнаах кинигэ буолан тахсыбыта (2010 с.). Былырыыҥҥы Намҥа ыытыллыбыт олоҥхо ыһыаҕар бу олоҥхо эбии научнай өттүнэн чочуллан Олоҥхо институтун бэлэмнээһининэн күн сирин көрдө.
@nam_museum@nam_kultura@namsadm_official@shestakov.club
.
.
#намскиймузей#намскийисторикоэтнографическиймузей#олонходекадата#намулууьа#историянамскогоулуса#культурноенаследие