Кулун тутар 18 күнүгэр Намнааҕы история уонна этнография музейыгар “Нам улууһа” муниципальнай тэриллии баһылыга ЮРИЙ ИННОКЕНТЬЕВИЧ СЛЕПЦОВ уонна Гуманитарнай чинчийии, хотугу аҕыйах ахсааннаах омуктар проблемаларын үерэтэр институт директора НАТАЛЬЯ ИННОКЕНТЬЕВНА ПОПОВА бииргэ үлэлэһиигэ сөбүлэҥ түһэрсэн илии баттастылар уонна IX-XI үйэтээҕи Намтан көстүбүт артефактары туттарыы үөрүүлээх быһыыга-майгыга буолан ааста. ИГИ директора Попова Н.И. доктордар Алексеев Анатолий Николаевич, Бравина Розалия Иннокентьевна бу булумньулар Саха Сирин историятыгар оруолларын туһунан сиһилии билиһиннэрдилэр, салгыы үлэлэһэллэрин биллэрдилэр.
«ӨБҮГЭ ОЛОҔУН СЭГЭТЭН» саҥа быыстапка арылынна. Саха сирин историятын уларыппыт, биhиги Наммыт сириттэн булуллубут артефактары бу быыстапкаҕа киэҥ көрүүгэ таhаардыбыт. Күндү биир дойдулаахтарбытын саҥа быыстапканы кэлэн көрөргүтүгэр ыҥырабыт!
