Бүгүн Космонавтика күнэ.
1961 сыллаахха, бу күн, ол эбэтэр муус устар 12 күнүгэр Аан дойдуга аан маҥнайгы космическай көтүүнү советскай летчик Юрий Алексеевич Гагарин оҥорбута. Муус устар 14 күнүгэр киниэхэ Ленин орденын уонна «Кыhыл көмүс сулус» мэтээли биэрэн туран, Советскай Союз Геройун аатын уонна «ССРС космонавт летчига» аатын иҥэрбиттэр.
Оройуоннааҕы «КОЛХОЗ СИРДЬИТЭ» хаhыакка бастакы космоска көтүү сонуна 32-с нүөмэригэр 1961 с. муус устар 19 күнүгэр тахсыбыт.
АЛБАННААХ СУОЛ АРЫЛЫННА
Халлаан куйаарыгар
Аргыс хараабыл
ССРС-тан ыытылынна.
Этиэх түгэнэ
Америка үрдүнэн
Элэс гынан ааста.
Чыпчылыйыах түгэнэ
Африка үрдүнэн
Арылыс гынан сүттэ.
Күөс бастыҥа буолаат
Ийэ буоругар
Эргиллэн түстэ.
Космос пилота Гагарин
Сири курдуу, ити курдук
Чаҕылҕанныы эргийдэ.
Албаннаах суолу
Аан маҥнай арыйда,
Халлаан күлүүhүн аста.
Киhи аймах барыта
Араадьыйа долгунунан
Айдаара түстэ:-
«Дьикти, оо! Дьикти!
Сөрү-сөхтө,
Бэри-бэркиhээтэ.
Советскай киhи
Үрдүктэн, үрдүккэ таласта!
Дьол, көҥүл, эйэ иhин охсуста!
Эйэ Знамятын
Өссө үрдүктүк
Өрө көтөхтө!
Сэмэн Эльскэй
(Бу хоhоон «КОЛХОЗ СИРДЬИТЭ» хаhыат 35-с нүөмэригэр 1961 с. муус устар 30 күнүгэр бэчэттэммит).