Бүгүн Арассыыйа үрдүнэн дьиэ-кэргэн, таптал уонна бэриниилээх буолуу күнэ бэлиэтэнэр. Бу бэлиэ күнүнэн күндү дьоммутун музей аатыттан итии-истиҥ эҕэрдэ тиэрдэбит!
Дьиэҕитин ил-эйэ эргийэ көттүн, тула өттүгүтүгэр чөл олох төлкөлөннүн, алаһа дьиэҕит аламай күнүнэн сандаардын! Чэгиэн-чэбдик, дьоллоох-соргулаах, ситиһиилээх буолуҥ!
🌿🌿🌿«МИН ДЬИЭ КЭРГЭНИМ ЫТЫК МАЛА» күрэхпит түмүгүн Эһиэхэ биллэрэбит. Уопсайа 20 кыттааччы өбүгэлэрин ытык малларын көрдүбүт, сөхтүбүт. Ол курдук, дьүүллүүр сүбэ маннык түмүгү таһаарда:
Анал ааттар:
🌿«Сиэдэрэй Хоппо» — Сайаана, Айхаан Николаевтар, Таатта улууһа, Ытык Күөл
🌿«Доруобуйа ыллыга» — Охлопкова Людмила Сергеевна, Нам улууһа, Нам
🌿«Алгыстаах мааны иһиттэр» — Дорофеева Марфа Николаевна, Таатта улууһа, Дьохсоҕон
🌿«Умнуллубат наҕараада» — Васильев Афанасий Ильич, Нам улууha, Нам
🌿«Былыргы туттар тэрил» — Светлана, Семён Охлопковтар, Нам улууһа, Модут
🌿«Солотуулаах кур» — Ноговицына Аксинья Афанасьевна, Нам улууhа, Хатырык
🌿«Олох омооно» — Винокурова Ульяна Федотовна, Нам улууhа, Хамаҕатта
🌿«Өбүгэ суола» — Пестряков Иван Петрович, Дьокуускай к.
🌿«Алыптаах ырыанньык» — Санников Денис Иннокентьевич, Нам улууha, Нам
🌿«Көмүс ампаар» — Канаева Матрена Васильевна, Нам улууһа, Хамаҕатта
🌿«Бастыҥ тымтай» — Семенова Санаайа, Колесов Алеша, Нам улууһа, II Хомустаах
🌿«Бастыҥ саар ыаҕас» — Сивцева Күннэй Руслановна, Нам улууhа, Маймаҕа
🌿«Бастыҥ Чороон» — Кеша Неустроев, Кэбээйи улууһа
🌿Саамай элбэх сүрэх хомуйан «Көрөөччү биhирэбилин» ылла Попова Людмила Петровна, Нам улууha, Нам
🌿 Уоннааҕы кыттааччыларга — күрэххэ кыттыбыттарын иһин, туоһу сурук уонна бириис туттарыллар.
🌿 Бары кыттааччылары эҕэрдэлээн туран, бириистэргитин үлэ күнүгэр музейтан кэлэн ыларгытыгар ыҥырабыт.