Бүгүн, сэтинньи 23 күнүгэр, Н.М. Рыкунов аатынан улуустааҕы киин библиотекаҕа Нам улууһун кыраайы үөрэтээччилэрин мунньаҕа буолан ааста. Манна улуус баһылыгын солбуйааччыта Петр Васильевич Абрамов, улуус культуратын управлениятын салайааччыта Елена Александровна Заровняева уонна нэһилиэктэртэн кыраайы үөрэтээччилэр кыттыыны ыллылар. Мунньаҕы иилээн-саҕалаан Александр Иванович Копырин ыытта. Бу мунньахха элбэх боппуруостары ырытыһыы, саҥа көрүүлэри, этиилэри истии, истиҥ кэпсэтии буолан ааста. Улуус кыраайы үөрэтээччилэрин салайар састаабыгар улуус баһылыгын солбуйааччы Абрамов П.В. киирбитэ сэргэхсийиини кэрэһэлиир.
