Күндү Нам улууһун олохтоохторо уонна ыалдьыттара!
Республикаҕа биллэр дэгиттэр идэлээх журналист, «Кыhыл көмүс бөрүө»🖋 журналистар бириэмийэлэрин лауреата — ТЕРЕНТИЙ ТЕРЕНТЬЕВИЧ ХАЛЫЕВ 85🌿 үбүлүөйдээх сылыгар анаммыт «КИНИЛИИН КЭККЭЛЭҺЭ ХААМТАХХА…» диэн биһиги түмэлбит истиэнэлэригэр быыстапка арыллыбытын биллэрэбит, кэлэн көрөргүтүгэр ыҥырабыт!
.
Бу ыҥырыы роликка Т.Т. Халыев 1984с. уhуллубут бэйэтин тыыннаах саҥата иhиллэр.
🔹️1936 сыл сэтинньи 27 күнүгэр Таатта оройуонун Уус-Амма нэһилиэгэр бааһынай дьиэ кэргэҥҥэ төрөөбүтэ.
🔹️1957 с. Ытык-Күөл орто оскуолатын бүтэрэр, ити кэмтэн ыла ЫБСЛКС чилиэнэ.
🔹️1957с. Таатта оройуонун “Труд” колхоһун чилиэнэ.
🔹️1957-59 сс. ити колхоз комсомольскай тэрилтэтин босхоломмут секретарынан үлэлиир.
🔹️1959 с. Ленинскэй комсомол путевкатынан Мирнэй куорат тутуутугар барар уонна 1959-60 сс. “Якуталмазтрест” ЖКХ-гар рабочайынан үлэлиир.
🔹️1961 с. ЫБСЛКС Обкомун ыҥырыытынан Аллайыаха оройуонугар баран рабочайдыыр.
🔹️1962-63 сс. Алексеевскай оройуон “Саҥа олох” хаһыатыгар фотокорунан үлэлиир.
🔹️1963-64 сс. бу оройуон П.Алексеев аатынан колхоһугар комском босхоломмут секретарынан талыллан үлэлиир.
🔹️1964-70 сс. республикатааҕы “Эдэр коммунист” хаһыат производствоҕа отделын литературнай үлэһитинэн, отдел сэбиэдиссэйинэн, 1969 сыл алтынньы 1 күнүттэн эппиэттиир секретарынан үлэлиир.
🔹️1965 с. ССРС журналистарын союһун чилиэнэ.
🔹️1970-72 сс. Аллайыаха оройуонун “Сайдыы суола” хаһыакка литературнай үлэһитинэн, эппиэттиир секретарынан, редактор эбээһинэһин толорооччуннан үлэлиир.
🔹️1972 с. ахсынньы 13 күнүттэн Нам оройуонун “Ленин суола” хаһыатыгар ыстаарсай литературнай үлэһитинэн, 🔹️1982 с. олохтоох радионан биэрии корреспонденынан үлэлиир.
🔹️1994 с. балаҕан ыйын 15 күнүгэр оһолго түбэһэн олохтон туораабыта.