Бүгүн Елена Заровняева салайааччылаах Нам улууһун культура управлениятын @nam_kultura үлэһиттэрэ Нам улууһун историятын кэпсиир экспозициялары уонна саҥа арыллыбыт «КИНИЛИИН КЭККЭЛЭҺЭ ХААМТАХХА…» диэн Терентий Халыев 85 үбүлүөйдээх сылыгар уонна ХОМУС күнүгэр анаммыт быыстапкалары көрөн сэргээн, астынан бардылар.
Тэрилтэлэртэн сайаапкалары хомуйабыт!
Намнааҕы музей араас үлэ үөһүгэр сылдьар тэрилтэ салайааччыларын уонна үлэһиттэрин биир күнү анаан коллективынан кэлэн сылдьыыга (культурный коллективный выход) ыҥырар!
Биһиги саалаларбыт былыргы экспонаттарын нөҥүө улуускут историятын кытта билсэргит элбэҕи туһалыыр, билиигэ-көрүүгэ сирдиир.
