Бэҕэһээ, ахсынньы 5 күнүгэр, биһиги түмэлбит конференц-саалатыгар “Сайдыы төрдө – норуот итэҕэлигэр” диэн Нам улууһун депутаттарын үлэлэрин сырдатар кинигэ сүрэхтэниитэ буолан ааста. Үөрүүлээх тэрээһини Нам улууһун Депутаттарын Сэбиэтин председателэ Алексей Винокуров бэйэтинэн иилээн-саҕалаан ыытта.
Истиҥ эҕэрдэлэрин уонна ахтыыларын эттилэр: “Нам улууһа” МТ баһылыга Юрий Слепцов; Нам улууһун Депутаттарын Сэбиэтин председателэ Алексей Винокуров; СР Государственнай Мунньаҕын (Ил Түмэн) председателэ Алексей Еремеев; СР Государственнай Мунньаҕын (Ил Түмэн) тыа хаһаайыстыбатын сис комитетын председателэ Александр Атласов; XII ыҥырыылаах СР Верховнай Сэбиэтин народнай депутата, Верховнай Сэбиэт председателин солбуйааччы, I,II ыҥырыылаах СР Государственнай Мунньаҕын (Ил Түмэн) народнай депутата, Республика Палататын бастакы председателэ, СР норуот хаһаайыстыбатын бочуоттаах үлэһитэ, М.К. Аммосов аат. Государственнай бириэмийэ лауреата, Сунтаар, Нам улуустарын Ытык киһитэ, СР Бочуоттаах гражданина Егор Ларионов; Нам улууһун Бочуоттаах олохтооҕо, СР Бочуоттаах ветерана Николай Захаров; “Нам улууһа” МТ баһылыгын 1 солбуйааччытынан үлэлээбит, Хатас нэһилиэгин П.Н., Н.Е. Самосоновтар аатт. оскуола директора Николай Слепцов; Нам улууһун II ыҥырыылаах мунньаҕын бэрэссэдээтэлэ, Нам улууһун Ытык киһитэ, Хатыҥ Арыы нэһилиэгин И.Е. Винокуров аат. историяны уонна кыраайы үөрэтэр түмэл сэбиэдиссэйэ Афанасий Христофоров; Искра, Салбаҥ, Хатырык, Хатыҥ Арыы, Лиэнскэй нэһилиэктэр, Нам улууһун Бочуоттаах олохтооҕо, «Үйэ мецената» үрүҥ көмүс орден кавалера, норуоттар икки ардыларынааҕы «Евразия» бириэмийэ Россия экономическай сайдыытын лидерэ, СР норуотун хаһаайыстыбатын үтүөлээх үлэһитэ Анатолий Федоров; II ыҥырыылаах Сэбиэт депутата, СР үтүөлээх ветеринарнай бырааһа, Хомустаах 1 нэһилиэгин Ытык киһитэ Лидия Алексеева; III, IV ыҥырыылаах Сэбиэт депутата, РФ орто профессиональнай үөрэхтээһин Бочуоттаах үлэһитэ, СР үөрэҕириитин үтүөлээх үлэһитэ, СР үөрэҕириитин туйгуна Екатерина Ядреева; Лиэнскэй нэһилиэк депутаттарын сэбиэтин бэрэссэдээтэлинэн икки төгүл талыллан үлэлээбит Михаил Новгородов; “Хомустаах бастакы нэһилиэгэ” МТ депуттарын сэбиэтин бэрэссэдээтэлинэн 2012 сылтан үлэлии сылдьар Юрий Николаев; “Хатыҥ Арыы” МТ депутаттарын Сэбиэтин бэрэссэдээтэлэ Евгений Жирков.
Кинигэни “Нам улууһа” МТ баһылыга Юрий Слепцов көҕүлээн, улуус Депутаттарын Сэбиэтин сакааһынан П.И. Сивцев аат. Намнааҕы история уонна этнография музейын директора Копырин Александр Иванович редактордаан, музей үлэһиттэрэ Вера Дмитриевна Попова, Мария Иннокентьевна Петрова, Анна Семеновна Николаева уонна кыраайы үөрэтээччи, советскай-партийнай үлэ бэтэрээнэ Николай Дмитриевич Захаров хомуйан оҥордулар.
Кинигэ СР Государственнай Мунньаҕын (Ил Түмэн) председателэ Алексей Ильич Еремеев, Нам улууһун Депутаттарын Сэбиэтин председателэ Алексей Иванович Винокуров, “Нам улууһа” МТ баһылыга Юрий Иннокентьевич Слепцов киирии тылларыттан саҕаланар.
Кинигэ 300 экземплярынан «Көмүөл» кинигэ кыһатыгар бэчээттэнэн таҕыста.
Кинигэҕэ улуус депутаттарын кылгас биографиялара, олохтоох бэйэни салайыныыга, муниципальнай реформаҕа архыып матырыйааллара, депутаттар үлэлэрин сырдатар ыстатыйалар, ахтыылар, муниципальнай наҕараадалар, бириэмийэлэр балаһыанньалара, улуус сайдыытыгар кылааттарын киллэрбит үтүөлээх дьоммут ааттара иҥэриллибит эбийиэктэрэ киирбиттэр.