Аҕа дойду Улуу сэриитин кыттыылааҕа, XX үйэ чулуу отчута Василий Иннокентьевич Охлопков — Түөһэй Баһылай 110 сылыгар аналлаах саха хотуурунан от охсуутугар республиканскай «Күүлэй-2025» күрэҕин балаһыанньата🌿🌿🌿
📍 1. Уопсай балаһыанньата: https://disk.yandex.ru/i/OGsx-inQxSUvtQ (ыйыллыбыт сигэнэн киирэн уопсай балаһыанньаны кытта сиһилии билсиҥ)
📍1. Кыттыыны ылаллар:
- Тимир уустара уонна кинилэр от охсооччулара;
- “Күүлэйгэ” кыттар баҕаҕытын от ыйын 1️⃣7️⃣ күнүгэр диэри күрэх балаһыанньатын анал сыстар форматыгар толорон (1 сыһыарыы) э/почтаҕа ыытаҕыт: namskiy-musey@yandex.ru, ол эбэтэр бу ыйыллыбыт сигэнэн киирэн сайаапканы толороргутугар https://disk.yandex.ru/i/c62nXyNaDWoGOQ
☎️ — Сайаапканы ыытарга билсэр нүөмэргит: Александр Иванович Копырин — 📞8(964) 076 52 05, Седалищева Айыына Ивановна – 📞8(968) 162 65 49
📍 2. “Күүлэй” ыытыллар бэрээдэгэ уонна ирдэбилэ:
2.1. Күрэх ыытыллар кэмигэр тимир уустара тимири уһаараллар, саха хотуурун охсон көрдөрөллөр;
2.2. Тимир ууһа бэйэтин кытта от охсооччутун илдьэ кэлэр эбэтэр бэйэтэ охсуон сөп;
2.3. Хотуур төрүт тимиртэн эбэтэр кэлии тимиртэн оҥоһуллубут буолуохтаах;
2.4. От охсооччу «Күүлэйгэ» кыттар хотуура кэлии тимиртэн оҥоһуллубут буолуохтаах, төрүт тимир хотуур биһирэнэр, күрэхтэһиигэ араарыллыбакка бииргэ кыттар;
2.5. “Күүлэйгэ” кыттар уус уонна от охсооччу саха таҥастааҕа, этэрбэстээҕэ ирдэниллэр (“Күүлэй” хаамыыта видеоҕа, документальнай киинэҕэ, хаартыскаҕа уһуллар);
2.6. Хас биирдии кыттааччы үлэтигэр аналлаах тэриллэрин уонна харыстанар малларын бэйэтэ илдьэ кэлэр (буруус, игии, кыстык, өтүйэ);
2.7. Кыттааччы кэлэр-барар айанын, аһылыгын ороскуотун бэйэтэ уйунар. Сөрүүргүүр, сынньанар сахалыы отуутун анал бэриллибит сиргэ бэйэтэ оҥостор;
2.8. Уус уонна кыттааччы холбоон кыттар взноһа – 2000 солк.
📍 3. Тимир уустарын күрэҕин хаамыыта
3.1. 9️⃣:0️⃣0️⃣ чаастан “Күүлэй” буолар миэстэтин бэлэмнээһин, хамаандаларга бэриллибит түһүлгэлэргэ кыттааччы отуутун бэйэтэ оҥостор, киэргэтэр;
3.2. 9:00 чаастан кыттааччылары регистрациялааһын. (Ууска, охсооччуга хас биирдиилэригэр бейджик бэриллэр);
3.3. 11:00 чаастан “Күүлэйи” үөрүүлээхтик арыйыы, алгыс;
3.4. Сэрэбиэй быһыытынан от охсооччу охсуохтаах сирин үллэрии;
3.5. Күнүс 12:00 чаастан “Күүлэй” күрэҕэ: - хас биирдии кыттааччыга тус-туһунан охсуллар сир бэриллэр, ким түргэнник, хаачыстыбалаахтык бүтэрбит от охсооччуга сүөһү этэ миэстэтинэн 3 бастакы миэстэҕэ бэриллэр
- Охсооччу охсон бүтэрбитин кэннэ дьүүллүүр сүбэ охсубут ходуһатын кэрийэн хаачыстыбатын көрөр, охсооччуга бэйэтигэр көннөттөрөр, ол кэнниттэн биирдэ бириэмэ баттаныллар;
- Охсооччулар бары тэҥҥэ түһэллэр.
📍 4. Наҕараадалааһын:
4.1. Кыайыылаахтарга сүрүн бирииһи, сүөһүнү, В.И. Охлопков – Түөһэй Баһылай аймахтара, оҕолоро, сиэннэрэ туруораллар.
4.2. Хас биирдии кыттааччыга туоһу суруктар, кыайыылаахха ынах этэ, мэтээллэр, грамоталар, бириистэр туттарыллаллар.
4.3. Анал ааттар иҥэриллэллэр: - “Бастыҥ ыраас суоллаах охсооччу”;
- “Бастыҥ хотуур ууһа”;
- “Төрүт тимиртэн хотуур бастыҥ ууһа”;
- “Күүлэй бастыҥ отуута”.
📍 5. Дьүүллүүр сүбэ күрэҕи сыаналыыр өрүттэрэ:
- 1. Хотуурга:
- хотуур тас көрүҥэ;
- сытыыта, кылаанын тутуута;
- оҥоһуллубут сатабыла.
📍 5.2. Охсооччуга: - охсооччу охсор сатабыла;
- суолун ырааһа (хадьымалын үрдүгүнэн);
- таҥнар таҥаһа.
📍☎️ Күрэхтэр куратордара: Александр Иванович Копырин – 📞8(964) 076-52-03, Рустам Леонидович Федоров – 📞8(914) 107-15-79
