Бүгүн, ахсынньы 25 күнүгэр, кырдьаҕастар олорор социальнай геронтологическай кииҥҥэ «Лаглайбыт күөх харыйачаан» диэн дьоро тэрээһин буолла. Манна специалист Анастасия Заболоцкая Намнааҕы түмэлгэ харалла сытар сэбиэскэй кэм саҕанааҕы харыйа араас симэхтэрин, дьэрэкээн таас оонньуурдарын илдьэн көрдөрдө, бу оонньуурдар тустарынан кэпсээн көхтөөх кыттыыны ылла.
Тэрээһиҥҥэ маскарадтаах кырдьаҕастар лаглайбыт харыйаларын таһыгар бэйэлэрэ оҥорбут араас харыйаларын кэккэлэһиннэрбиттэр, симээбиттэр. Мустубут кырдьаҕастар харыйа туһунан ырыалары ыллаатылар. Оҕо саастарын доҕорун — мас ат оонньуурдаах фотосессияҕа кытыннылар.
