«Уус Түһүлгэтигэр» СР култуураҕа уонна духуобунай сайдыыга министерствота, Өрөспүүбүлүкэтээҕи Норуот айымньытын дьиэтэ, Нам улууһун култуураҕа уонна норуот айымньытыгар салалтата, Нам улууһун П.И.Сивцев аатынан история уонна этнография музейа тэрийээччилэрдээх Өрөспүүбүлүкэтээҕи тимир уустарын «Уус кыһатын кыымнара» диэн быыстапка-күрэх буолан ааста.
Аҕыс улуустан түмсэн илин-кэлин түһүстүлэр. Нам уустара тимири уһаарыыга мастер-класс көрдөрдүлэр. Үөдэй уонна Хатырык рудатыттан уонча киилэ болгуо тимир уһаарыллан таҕыста. Тимир уустара бэйэлэрин оҥоһуктарынан быыстапка оҥордулар, тургутук күрэх ыытылынна, семинар тэрилиннэ, туой иһиккэ күөс күөстэнэн миин иһилиннэ, үүт өрүлүннэ. Түмүгэр кырдьаҕас уустар уһаарыллыбыт тимири эдэр уустарга Тимир уустарын Ытык бэлиэтин (символика) оҥорон таһааралларыгар анаан үөрүүлээх быһыыга туттардылар, кэс тылларын эттилэр.
