Сэтинньи 20 күнүгэр Намтан көстүбүт 1917-1921 сс. оччотооҕу инники күөҥҥэ сылдьыбыт эдэр ыччат «Сырдык» сурунаалын тула кэпсэтии буолан ааста. Бу кэпсэтиигэ кыттыыны ыллылар: Олег Гаврильевич Сидоров — М.К.Аммосов аат. СВФУ ФЛФ Журналистика кафедратын сэбиэдиссэйэ, САХА СУРУЙААЧЧЫЛАРЫН ассоциациятын бэрэссэдээтэлэ, «Илин» («Восток») сурунаал сүрүн редактора, СР Духуобунаһын Академиятын Академига, РФ суруналыыстарын Союһун чилиэнэ; Афанасий Васильевич Мигалкин — СР Духуобунаһын Академиятын Академига, М.К. Аммосов аатынан гос.премия лауреата, СР норуотунай хаһаайыстыбатын үтүөлээх үлэһитэ, М.К.Аммосов аатынан СВФУ Суругун-бичигин музейын директора, Дьокуускай уонна Ленскэй Епархия сүбэһитэ; Васильев Василий Егорович-Харысхал — СР норуотунай суруйааччыта, СР суруйааччыларын Союһун правлениятын чилиэнэ.
Ол саҕанааҕы эдэр интеллигенция суруктара оччотооҕу кэминээҕи, инники сайдыыны торумнаан көрүүлэрэ биһигини сөхтөрөр. Бу көстүбүт суруктар кинигэ буолан тахсан, история сана кэрчиктэрин арыйыахтара диэн бигэ эрэллээхпит. НСШ2 учутала Людмила Иннокентьевна харыстаан, көрөн-харайан күн бүгүҥҥэ диэри илдьэ кэлбитигэр барҕа махтал буоллун.
