Бүгүн Н.М.Рыкунов аат.Намнааҕы киин библиотекаҕа биһиги биир дойдулаахпыт, дьоллоох Дьокуускай куорат олохтооҕо, өр сылларга М.К.Аммосов аат. ХИФУ омук тылларын факультетыгар французскай тыл преподавателинан үлэлээбит, учуонай, суруйааччы, тылбаасчыт Сабарайкина Лина Михайловна -Алтааны Намын дьонун кытта көрүстэ. Лина Михайловна ааспыт 2019 с. 80 сааһын бэлиэтээбитэ.
Оҕолорго аналлаах кэпсээннэрин таһынан элбэх сэһэннэри суруйбута. Биир улахан, сүдү үлэтинэн буолар П.А.Ойуунускай «Улуу Кудаҥса» айымньытын француз тылыгар тылбааһа. Бүгүҥҥү көрсүһүүгэ Лина Михайловна үөлээннээхтэрэ, Нам оскуолаларын, саха-француз лицейин учууталлара, Францияттан кэлэ сылдьар эдэр тыл үөрэхтээгэ, аймах-билэ дьоно, кини айымньыларын сэҥээрээччилэрэ кэлэн эҕэрдэлээн бардылар. Бу күҥҥэ эдэр француз преподаватель уол И.Д.Винокуров-Чаҕылҕан «Хайыһар» ырыаны француз тылыгар тылбаастаабытын аан бастаан дьон истиитигэр ыллаан иһитиннэрдилэр.
Кэлбит дьоҥҥо Лина Михайловна «Чээ Кээчэ» диэн сана кинигэтин бэлэх уунна. .
.
.
#намскиймузей#намскаябиблиотека
