Бүгүн, от ыйын 31 күнэ — ЧАҔЫЛҔАН төрөөбүт күнэ
🌿Илья Дорофеевич Винокуров — Чаҕылҕан ытык дьон ыччата, төрүт дьон төрүөҕэ буолара этигэр-хааныгар иҥэн сылдьан, кинини үрдүк культуралаах, киэҥ билиилээх, бары өттүгэр барытыгар дьоҕурдаах киhи оҥорон таhаарбыта.
Олоҕун устатын тухары саха литературата күннээҕи олох сытыы боппуруостарын туруорсар, тумнубат буоларыгар кыhанара, ону тэҥэ омугун кэрэ дууhатын, баай санаатын-оноотун, ыраас тапталын лирикаҕа кутарга ыҥырара.
🌿Биир дойдулаахпыт, Саха сирин биллиилээх суруйааччыта, кэпсээнньитэ, публициhа, тылбаасчыта — ЧАҔЫЛҔАН төрөөбүт күнүнэн «ДАБААН. ХОhOОННОР. ЫРЫАЛАР.» (1935 с.) диэн кини айымньыларын бастакы хомуурунньугун — биhиги биир кэрэхсэбиллээх экспонаппыт туһунан видеоматериалы көрөргүтүгэр ыҥырабыт.