Бүгүн биhиги бииргэ үлэлиир ытыктыыр, убаастыыр киhибитин, Тарас Прокопьевиhы, Күн сирин көрбүт кэрэ-бэлиэ кэмҥинэн, Айыы сирин көрбүт алгыстаах күҥҥүнэн урааҥхайдыы уруйдуубут, сахалыы айхаллыыбыт уонна «За вклад в развитие МО «Намский улус» наҕараада ылбыккынан ис сүрэхтэн иэйэн туран итиитик-истиҥник эҕэрдэлиибит!
Эн үөрэтэр, чинчийэр үлэҥ таhаарыылаах буоллун! Ол үлэҥ эдэр үлэhиттэргэ куруутун холобур буолар.
Баараҕадыйыы хочотугар, сааhын үрдүк мөҥүөнүгэр үктэммитин аатыгар айхал тыла аргыстаах, үтүө санаа үөтүүлээх алгыспытын аныыбыт: Орто Турук дойду кыынньар кымыс салгынын ыймахтыырын тухары кырдьыы диэни кылыы саҕа чугаhатыма, кэллэҕинэ даҕаны кинини киллэримэ! Саха чиргэл тиитинии тэтиэнэх доруобуйалан, дьол-соргу аргыстан, үөрүү-көтүү кынаттан!
Тус бэйэҕэр, чугас дьоҥҥор, алаhа дьиэҕэр үгүс үөрүү, аар арчы тосхойо турдун!
