Биһиги музейбытыгар палеонтолог-мамонтолог, Саха Республикатын наукатын үтүөлээх үлэһитэ, СО РАН үтүөлээх бэтэрээнэ, биологическай наука доктора, учуонай, 1991 сыллаахха Аан дойдуга бастакынан мамонт музейын төрүттээбит Петр Алексеевич Лазарев кэргэнэ Татьяна Ивановна Лазарева ыалдьыттаата, музей үлэһиттэрин кытта көрүстэ, экспонаттары көрдө. Татьяна Ивановна Петр Алексеевичка сыһыаннаах материаллары музейга бэлэх уунуоҕун эттэ.
2021 сыллаахха П.А. Лазарев үбүлүөйдээх 85 сылыгар Нам селотугар үөрүүлээх быһыыга мамонт сквера арыллыбыта, итиэннэ кини аатын сүгэр уулусса арыллыбыта. Биһиги музейбыт үлэһиттэрэ Вера Дмитриевна Попова, Станислав Егорович Слепцов «Человек с мировым именем» диэн П.А. Лазарев олоҕун, наукаҕа айымньылаах үлэтин кэпсиир, көрдөрөр документальнай киинэ устубуттара дьон интэриэһин таппыта. документальнай киинэни биһиги каналбытыгар бу сигэнэн киирэн көрүөххүтүн сөп: https://youtu.be/w0c-BLtmC5k
Мария Петрова
