Бүгүн биһиги түмэлбит фондата хаҥаата. Ол курдук, «Пути великих свершений» диэн историческай кинигэ-альбом алта томун бэлэх ууннулар. Бу уникальнай «Пути великих свершений» кинигэ күн сиригэр бэчээттэнэн тахсыбытыгар элбэх киһи үлэлэспит, ис хоһоонугар элбэх архив материаллара туһаныллыбыттар, ис-тас быһыыта болҕомтону тута тардар. Биир уратыта — кинигэ сирэйдэригэр эбии кэмбиэрдэр истэригэр оччотооҕу кэм докумуоннара, суруктара киирэннэр ааҕааччыга ис хоһоонун өссө күүһүрдэн биэрэллэр. Маннык сэдэх кинигэ аҕыйах экземлярынан тахсыбыт. Ис хоһоонугар Саха сирин историятын, уһук хоту регион буолан Россия судаарыстыбатын баһылааһыныгар киириитэ, итиэннэ бөҕөргүүрүгэр, сайдыытыгар оруолун, суолтатын туһунан көрдөрөр.
Кинигэ бырайыагын ааптара билигин Саха Өрөспγγбγлγкэтин Ил Дарханын сүбэһитэ Г.Д. Никонов бу темаҕа үгүстүк үлэлэспит. Кини өрүү элбэх айаҥҥа сылдьар уонна араас интэриэһинэй дьону кытта билсэн үлэлэһэр. Бырайыак билигин да салҕанар, сэттис тома бэчээттэнэн тахсыбыт.
Хаартыскаҕа: Нам улууһун культура уонна духуобунай сайдыытын управлениетын салайааччыта С.П. Ядрихинскай Намнааҕы история уонна этнография түмэлин салайааччытыгар А.И. Копыриҥҥа кинигэлэри туттарар.
М. Петрова