Алтынньы 14 күнүгэр түмэлбит быыстапкалыыр саалатыгар Нам улууһун олохтоохторо, «Иэйии» бэтэрээннэр түмсүүлэрин кыттыылаахтара: СӨ тыатын хаһаайыстыбатын ветерана, «Баатаҕай нэһилиэгэ» МТ Бочуоттаах олохтооҕо, норуот маастара, үлэ ветерана Александра Алексеевна Степанова уонна үлэ ветерана Авдотья Никифоровна Гаврильева айар үлэлэрин көрдөрөр, сахалыы оһуордаах-мандардаах хараҕы сымнатар «ИИСПИТ БИҺИЭНЭ АЙЫЫЛАРТАН АНАЛБЫТ» диэн анал быыстапкалара үөрүүлээх быһыыга аһылынна.
Үөрүүлээх тэрээһиҥҥэ ыраахтан-чугастан элбэх ыалдьыт кэлэн ырыалаах-тойуктаах бэйэлэрин эҕэрдэ тылларын эттилэр. Бу күн ытык-мааны Далбар Хотуттарбытыгар «Нам улууһун норуот маастарын» бэлиэни Нам улууһун культуратын аатыттан Александра Новгородова туттартаата.
Күндү Нам улууһун олохтоохторо уонна ыалдьыттара!
Быыстапканы кэлэн көрүҥ, сэргээҥ!
Киирии билиэт сыаната 50 солк.
Быыстапка алтынньы ый 22 күнүгэр диэри туруоҕа.