Бэҕэһээ. кулун тутар ый 23 күнүгэр, Таастаахха П.И.Сивцев аатынан историко-этнографическай, И.Е. Винокуров аатынан кыраайы уонна историяны үөрэтэр Хатын-Арыытааҕы түмэллэр үлэһиттэрэ оскуола оҕолоругар И.Е.Винокуровка аналлаах Музейнай уруогу ыытан уонна Таастаах нэһилиэгин туһунан тэрээһиҥҥэ бэлэмнэнии үлэ чэрчитинэн видеоҕа, хаартыскаҕа устуулары оҥорон кэллилэр.
Оҕолорго Музейнай уруогу түмэл үлэһитэ Алена Ивановна Эверстова олус интириэһинэйдик тэрийэн ыытта. Орто оскуола отучча үөрэнээччитэ бэрткэ сэргээн И.Е.Винокуров олоҕун, дьылҕатын туһунан түмэл оҥорбут документальнай киинэтин көрдүлэр. Музейга харалла сытар Илья Егорович тутта сылдьыбыт малларын бэйэлэрэ тутан-хабан сэргээтилэр. Улууспут, нэһилиэкпит историятын хас биирдии оҕо, улуус олохтооҕо билиэхтээх, интириэһиргиэхтээх диэн өйдөбүлгэ толору сөбүлэһэн туран, оскуола завуһа Туяра Марковна уонна үөрэнээччилэр нэһилиэкпит туһунан өрүү билэ-көрө, улуус түмэллэригэр хайаатар да сылдьыахпыт диэн эрэл санааларын эттилэр.
А.С.Заболоцкая, музей специалиһа.
24.03.2026
