Нам улууһун киинэ бэтэрээннэрэ (бэрэссэдээтэл В.Д. Попова) бу сааскы халаан уутуттан эмсэҕэлээбит биир идэлээхтэригэр тугунан эмит өйөөбүт киһи диэн сыаллаах көмө харчы хомуйдулар. Попова Вера Дмитриевна, Заболоцкая Анастасия Степановна, Артемьев Спартак Матвеевич, Сивцев Егор Егорович, Винокурова Наталья Игнатьевна, Гаврильева Александра Прокопьевна, Елисеева Екатерина Ильинична, Нератова Елена Петровна, Дмитриева Елена Петровна түмсэ түһэн уопсайа 11000 солкуобайы ууттан эмсэҕэлээбит бииргэ үлэлээн ааспыт доҕотторугар Павлова Татьяна Дмитриевнаҕа (Маймаҕа), Ноговицына Аксинья Афанасьевнаҕа (Хатырык), Попова Христина Егоровнаҕа (Хатырык), Эверстова Валентина Николаевнаҕа (Граф Биэрэгэ), Соловьева Людмила Дмитриевнаҕа (Партизан) туттардылар.
Ууттан эмсэҕэлээбиттэр олус долгуйан: “Үтүө санааҕыт бэйэҕитигэр 100 төгүл эбиллэн кэллин!”, — диэн истиҥник махтаннылар.
Мария Петрова