Алтынньы 8 күнүгэр “Нам оройуонун холкуостара” кинигэ сүрэхтэниитэ буолан ааста.
Кинигэҕэ 1927-1951 сс. Нам оройуонугар холкуостар тэриллиилэрин, сайдыыларын историята сырдатыллыбыт. Манна СӨ Национальнай архыыбын уонна Намнааҕы муниципальнай архыып докумуоннара, Саха сирин уонна Нам улууһун араас сыллардааҕы хаһыаттарын матырыйааллара, нэһилиэктэр архыыптарыттан хаартыскалар киирбиттэр. Кинигэ Саха АССР тэриллибитэ 100 сылыгар ананан 544 сирэйинэн 160 экземплярынан бэчээттэммит. Бырайыак ааптара бэтэрээннэр сэбиэттэрин бэрэссэдээтэлэ Софья Дмитриевна Кобякова элбэх киһини түмэн кинигэ күн сирин көрдө. Кинигэ аа5ааччы киэҥ араҥатыгар ананар.