Намнааҕы П.И.Сивцев аатынан история уонна этнография музейа уонна Никольскайдааҕы сир оҥоһугун музейа бу күннэргэ Нам улууһун нэһилиэктэрин (бу иннинэ II -Хомустаах) кэрийэн былыргы ытык сирдэргэ баар тутуулары, бэлиэлэри, гражданскай, аҕа дойду сэриилэригэр анаан араас сылларга туруоруллубут пааматынньыктар туруктарын көрөр, эбии сведениялары хомуйар тэрээһини ыыталлар. Салгыы бу үлэлэр Улууска ыытыллар араас тэрээһиннэргэ, историятын чинчийэргэ тирэх буолуохтара.
Бу проект чэрчитинэн Нам улууһун саамай хоту нэһилиэгэр — Түбэҕэ сырыттыбыт. Бу улуус биир баай историялаах нэһилиэгэ. 1910 сылга дылы Бөтүҥ нэһилиэгэ диэн этэ уонна киинэ этэ. Саха сирин историятыгар лаппа биллэр-көстөр миэстэни ылар нэһилиэк. Ол курдук, 1632 с. нуучча кэлиитигэр бастакы алтыһыыны ыыппыта. 1633 с. П.Бекетов отчуотугар суруллар уонна онтон да салгыы 17 үйэҕэ саха нуучча алтыһыытыгар биллэр-көстөр миэстэни ылбытын ол саҕанааҕы нуучча суругар ахтыллар. Бу нэһилиэк историятыгар Максим Кирович Аммосов, Илья Егорович Винокуров, Иван Николаевич Винокуров курдук Саха уһулуччулаах дьонноро сүрүн миэстэни ылаллар. Бу дьон төрөөн, сылдьан ааспыт соҕотох туоһу өйдөбүнньүктэрэ манна баар. 19 үйэ Саха ытык дьоно туруорбут өйдүбүнньүктэрэ эмиэ бу нэһилиэккэ тураллар.
Маны таһынан Түбэ нэһилиэгин билиҥҥи олоҕо, эдэр дьон кэскиллээх үлэлэрэ эмиэ сырдатыллыа. Онон бу туһунан чаас чааһынан кэпсээн иһиэхпит…
.
.
Хаартыскаларга: Никонов Тарас Прокопьевич — Намнааҕы музей улэhитэ, краевед; Протопопова Прасковья Романовна- ЯРО ВООПИиК председателя, Никольскайдааҕы музей директора; Кобякова Софья Дмитриевна- улуус ветераннарын советын председателя; Попов Петр Петрович — краевед; Корякина Анастасия Григорьевна — «Эҥсиэли» хаһыат корреспондена; Москвитина Лена Прокопьевна — «Эҥсиэли» хаһыат корреспондена, оператор; Эверстов Георгий Иванович — улуус ветераннарын советын Президиумун чилиэнэ.
.
.
#намскиймузей#намскийисторикоэтнографическиймузей#краеведынамскогоулуса#экспедицияниэм
